#irakurrizbizi
Paperezkoak, 2 eta 7 urte bitarteko haurrei hilero ipuin ilustratu bat oparitzeko proiektua da.
Oparitu
Hainbeste maite duzun txikiari sorpresaz beteriko kultur esperientzia oparitzeko aukera ere bada Paperezkoak. Kaxa bakoitza inoiz ahaztuko ez duen oroitzapen bat izango da.
KAXA BAT
Helduoi ez ezik, haurrei ere ilusioa egiten die paketeak haien izenean jasotzeak. Aukeratutako liburuarekin batera, osagarri diren elementu ezberdinez osatutako jolasekin beteko dugu kaxa.
ILUSTRAZIOZ BETERIKO IPUIN BAT
Mimo handiz aukeratutako ipuin bat, azal gogorrekoa. Euskal argitaletxe desberdinekin hitzarmenak sinatu ditugu, jasotzen duzuen ipuina merkatuko nobedadea izan dadin. Beti ere, argitalpen berriak izango dira.
Horretaz gain, aparteko liburuak atsegin ditugu, ardura handiz argitaratutakoak eta ilustrazio ederrak eta istorio harrigarriak gordetzen dituztenak. Mundua ulertzeko tresnak eskeini nahi dizkiegu txikienei eta lehenengo irakurketek irakurzaletasunean murgiltzeko duten garrantzia azpimarratu nahi dugu.
IRAKURKETARAKO GIDA LABURRA
Ipuina haurrarekin modu egokian landu ahal izateko eskuorria ere jasoko duzue. Bertan, haur-literaturako adituek idatzitako argibide errazak egongo dira, familiartekoek, lagunek edo hezitzaileek txikien ulermena eta parte-hartzea susta dezaten.
PODCAST BAT
Hilabeteko album ilustratuari lotutako podcast bat. Liburuan landutako hariari tirako diogu , azken batean, liburuenganako jakin-mina suspertzea eta aberastea izango da erronka.
MATERIAL OSAGARRIA
Haurrek koloreztatzeko irudiak edo eskulanak egiteko materiala ere gehituko da. Material osagarri honetan landuko diren eskulanak eta ariketak, liburuan landutako edukiari eta ideiei lotuak egongo dira. Material osagarri hau, beraz, podcastaren kasuan bezala, irakurketa erakargarriago egin eta bertan lantzen diren edukiak indartzeko asmoa izango dute.
Material osagarri hau inprimatuta joango da kaxatxo batean. Hala ere, material hau gure webgunean ere aurkitu ahal izango da, gurasoek eta umeek nahi bezainbeste aldiz deskargatu ahal izateko.
Esperientzia pertsonaletik abiatuta eta guraso izateak irekitzen duen aukerez beteriko mundu berriaren aurrean, euskarazko kultura eta literatura txikitatik ilusioz beteriko modu atsegin batean gerturatzeko ideia izan dugu.
Euskaraz horrelako egitasmoak egotea beharrezkoa dela uste dugu, irakurzaletasuna modu atseginean eta dibertigarrian txikitatik sustatzeko helburua dutenak. Irakurketa norberaren garapenerako, garapen afektiborako eta jokabide egokiak hartzeko bide gisa ulertzen dugu.
Gurasoak liburu-dendariak genituen eta gu ere liburu dendari gara. Kasik berrogeita hamar urte eramaten ditugu txikienei liburuak gomendatzen trinitate kaleko zazpigarrenean, Garoa liburu-dendan, Zarautzen. Txikitatik paperaren usainez inguraturik hazi gara, letra txikien artean ezkutatzen diren istorioez irudimena elikatuz eta literatura gure eguneroko osagai bihurtuz.
Irakurketarekiko lehen harremanak txikitatik eta familia giroan hasten direla dakigu eta hori bera gure ondorengoei eskaini nahi diegu Paperezkoak proiektu honen bidez.